Býflugnaræktendafélag Íslansds, kallað Bý, er vettvangur býræktenda til að deila fræðslu, gleði og áskorunum í býflugnarækt hér á landi. Bý sér jafnframt um utanumhald um býflugnarækt á Íslandi og innflutning á býflugum. Á vegum félagsins eru reglulega haldnir fræðslufundir og námskeið um býflugnarækt.

Bý –  var stofnað árið 2000. Félagsmönnum hefur fjölgað jafnt og þétt síðan og voru félagsmenn árið 2022 um 150 talsins.

Félagið heldur úti virkum hópi (um 1100 manns) á Facebook þar sem félagsmenn geta deilt reynslu og þekkingu sinni í býflugnarækt, leitað ráðlegging, ásamt að fá tilkynningar og upplýsingar frá félaginu.  

Fræðslunefnd  Bý stendur reglulega fyrir fræðslutengdum viðburðum um býflugur og býflugnarækt og eru viðburðir á vegum hennar auglýstir á Facebook hóp félagsins.