BLÓM SEM ERU MIKILVÆG FYRIR FÆÐUÖFLUN BÝFLUGNA

Samantekt: Egill Rafn Sigurgeirsson

Hér verður getið þeirra blómategunda sem skipta máli (fyrir afkomu búanna) hvað varðar gæði frjókorna og magn nektars. Ekki má gleyma þeim geysilega fjölda blóma sem þarf til að eitthvað að ráði fáist til búsins. Einnig er fjöldi annarra blómategunda sem flugurnar leita í en það er þetta með fjölda blóma sem skipta máli . Á öðrum undirhlekk má sjá hvaða önnur blóm eru þekkt fyrir að laða að sér skordýr til frjóvgunar.Þau blóm sem getið er í smáa letrinu finnast á Íslandi en ég þarf að kanna nánar hvað þau gefa af sér. Hunang frá grenitrjám, býflugur sækja það í blaðlýs, oft kallað hunangsdögg og er dökkbrúnt til svart á litinn.

Blómplöntur: Magnoliophytina (Angiospermae) Á Íslandi eru nú skráðar um 452 tegundir villtra blómplantna.  Þá eru ekki ræktaðar plöntur taldar með.   Slæðingar sem berast hingað öðru hvoru en hafa ekki náð að nema land varanlega, eru heldur ekki taldir með. Einhver fjöldi þessara blómplantna gefur eflaust af sér bæði nektar og eða frjókorn. Það má meðal annars sjá í rannsókn Margrétar Hallsdóttur um frjókornagreiningu í íslensku hunangi.

 

 

Myndirnar hér eru eftir mig nema annað sé tiltekið

Apríl

Hóffífill ( Tussilago farfara)blómstrar í byrjun/miðjan apríl. Ef veður er gott og flugurnar fljúga á blómin er þetta venjulega fyrsti frjókornagjafinn og gefur ríkulega. Frjókornaklumparnir eru brúngulir.                                                      Blómstrar fram í byrjun júní

Krókusar blómgast einnig snemma en eru þó í  svo litlum fjölda að frjókorn þeirra skipta líklega litlu  máli

Víðir

Hinar ýmsu víðitegundir (salix ssp )blómgast venjulega í apríl og eru allra mikilvægustu frjókorna gjafar búsins, vegna mikils fjölda trjáa og magns af frjókorni,þá fyrst fer drottningin að leggja egg að einhverju ráði svo fremi sem veðurfar leyfir útflug. Frjókornaklumparnir eru líklega ljós appelsínugulir. Blómstra fram í júní

Loðvíðir

Krækilyng blómgast einnig snemma en óvíst er hvort flugurnar fljúga á það.

 

Túnfífillinn (Taraxacum officinialis) byrjar að blómstra í maí á heitari stöðum og í góðu skjóli. Er mjög mikilvægur vegna frjókorna og einnig blómasafa því hann er mjög víða í görðum og túnum. Frjókornaklumparnir bera sterkan appelsínugulan lit. Blómstra langt fram í júlí og stundum endur blómstrun síðsumars. Hunang frá túnfífli er dökkgult

 

MAÍ

Rifsber, sólber og stikilsber blómgast í byrjun maí og gefa vel af sér en blómstra styttri tíma en ofannefndar tegundir. Hunangið sítrónugult á litinn.

Lúpína virðist einnig gefa vel af sér

 Torbjörn AnderssonÓlafur Þröstur Stefánsson

Júní

Bláberjalyng (vaccilium unginosum) blómstra fyrri hluta mánaðarins sem og aðalbláberjalyng. Hunangið er rauðleitt.

 Torbjörn

Hjólkróna (Borago officinalis L) er ræktuð í görðum og gefur vel af sér.

Skarifífill(Leontodon autumnalis L) blómstrar seinni hluta júní og langt fram á haust. Gefur appelsínugult frjó.

Hér falla einnig undir, unda-,fella-,íslands- og krossfífill.

Roðafífill (Hieracium aurantiacum)

Hvítsmári (Trifolium repens) , þessi blóm eru mjög mikilvæg vegna fjölda þeirra og hversu lengi þau blómstra

sem sjá má eru frjókornin brúnleit og gefa blómin ríkulega af sér bæði frjókorn og nektar. Hunangið ber hvítan til ljósgulan lit.

 

Rauðsmári ( Trifolium pratense) finnst víða og gefur einnig vel af sér.

                                                                                                                                  Blágresi(Gerianiumsylvatium) er mjög mikilvægt fyrir norska býbændur norðan “heiða”og ætti því einnig að skipta máli hér á landi

Torbjörn

Blóðberg (Thymus praecox ssp. articus)blómstrar seinni hluta júní og getur blómstrað fram í ágúst er líklega hvergi í heiminum eins algengt og hér á landi. Hunangsbragð og keimur er mjög einkennandi og þykir lostæti.

Fellafífill

Fjalldalafífill (Geum  rivale) virðist einnig gefa af sér

 

Brennisóley (Ranunculus acris) gefur af sér nektar og frjókorn.

Gulmaðra (Galium verum) sem og hvítmaðra virðast gefa vel af sér á Íslandi- í öllu falli er mikið af frjókorni frá henni í okkar hunangi.

Torbjörn

sem og hvítmaðra  (gallium pumilum)

 Torbjörn

Júlí

Ætihvönn (Angelica archangelia)

Torbjörn

Sigurskúfur(Chamerion angustifolium) er geysilega mikilvæg að hausti og vex oft í miklum breiðum. Hann er fjölær og hver planta getur gefið af sér 80.000 fræ. Þetta er þjóðar planta Grænlendinga. Hunangið ljóst með einkennandi lykt. Frjókornið er dökkblátt.

 Torbjörn

Garðasól (Papaver croceum)

 Agnes Geirdal

Beitilyng (Calluna vulgaris) getur gefið vel af sér ef vel viðrar. Hunangið er rauðbrúnt á litinn. 

Ágúst

Mörg  blóm blómstra langt fram í september og jv. fram í október ef veðurskilyrði eru heppileg. Þar ber fyrst að nefna skarifífil sem blómstrar lengst auk hvítsmára og beitilyngs.

Hárþystlar (carduus ssp) gefa einnig vel af sér sem og Fjaðurþistlar (Cirsium ssp))

Torbjörn

  Hunangsurt(Phacelia tanacetifolia) er einært blóm sem blómstrar u.þ.b. 8 v eftir sáningu og hef ég sáð því á hverju ári á 200-300 fermetra, gefur geysilega vel af sér bæði nektar og frjókorn og blómstrar fram í fyrstu hörðu frost á haustin.

Hafa samband